من داخل مصنع بنها للصناعات التكنولوجية ومراحل صناعة أول كمبيوتر لوحي مصري
_____________________________________________
يا ريت بس محدش يتكلم كتير في الموضوع و هو مش فاهم ، و مفيش حد هيكون
فاهم و هو مشتغلش في الموضوع لأن قليلين جداً في مصر اللي اشتغلوا في
الموضوع
نتكلم الاول في موضوع التابلت اللي اتعمل
شايف ان المفروض منحقرش فيه لأنه خطوة كويسة جداً
بالنسبة لصناعة اي جهاز الكتروني (موبايل - لاب توب - تابلت ) ، معنى انك
تقول انك صنعت تابلت مثلاً ، انك عملت ديزاين للبوردة اللي هتبقى عليها
المكونات (البروسيسور و الرام و الكلام ده) و لما خلصت الديزاين وديته مصنع
يتصنع
مش معنى انك صنعته انك صنعت كل المكونات اللي موجودة عليه لأن
مفيش دولة في العالم بتصنع كل المكونات اللي موجودة على اي جهاز الكتروني
يعني مثلاً لما Samsung تصنع تابلت في كوريا مش بتكون كل المكونات متصنعة
في كوريا (مش هقول ف samsung حتى) ممكن تجيب البروسيسور من كوريا و مقاومات
من الصين و مكثفات من اليابان و power management من المانيا مثلاً و هكذا
، و لما تعمل كده مش معناه انها مصنعتوش
تاني حاجة نتكلم عليها
الديزاين : مفيش اي شركة في العالم بتعمل ديزاين كامل من البداية و لو فيه
حد بيعمل كده ده يعتبر غباءً لأنك كده تعتبر بتعيد اختراع العجلة من الاول
فيه ملايين عملوا ديزاينز قبل كده ، فيه منها اللي بتشريه بفلوس و فيه
اللي موجود open-source و فيه اللي هو كان بتاعك قبل كده و بتعدّل عليه و
هكذا
كل اللي بيعملوا design بيبدأوا من reference design معمول
قبل كده و يبدأ يعدلّوا عليه و يضيفوا و يشيلوا ويحطوا دواير معينة و
يغيروا components وده اللي بيفرق من منتج للتاني
موضوع الـ Operating
System ، حد كده يقولي معظم الشركات اللي شغالة الوقتي هل بتعمل Operating
System خاص بيها ؟ هل لازم تعمل كده عشان تقول انها اللي عملت التابلت ده
مثلاً ؟
سامسونج بتستخدم ايه ؟ مش اندرويد ؟ اندرويد ده بتاع سامسونج ؟
ده مثال واحد
Android هو نظام تشغيل open source بمعنى ان اي حد ممكن يعدل فيه براحته و يضيف فيه و يستخدمه في منتجاته
طب الشركات الكبيرة دي بتعمل ايه ؟ بتاخد source الـ android و ممكن تعدل
فيه شوية و تضيف drivers للحاجات اللي استخدمتها ف المنتج بتاعها (wifi أو
شاشة مثلاً) و مش شرط كمان تكون هي اللي كاتبه الدرايفر لأن زي ما قلت ممكن
تكون شارية المكون ده من دولة تانية اصلاً و جاي بالدرايفر بتاعه و بعد
كده تعمل build للsource ده و تضيف اي bootsrtapper جاهز و تحطه على
البوردة اللي صنعتها
هي دي الصناعة عشان الناس تفهم بس و متخلوش حد يضحك عليكو
التابلت ده كويس جداً و ان كان حتى اشتروا الديزاين كله جاهز
و ان شاء الله قريب هتشوفوا تابلت تاني مصري (بس مش هنقول 100% بقى لان مفيش حاجة ف العالم بتتصنع ف دولة 100% من انتاج الدولة دي )
لو بتحب بلدك من قلبك ..... شجعها علشان تتقدم ....... و تعوض اللي فاتها
الرئيسية 
التسجيل 
دخول 
