ازاي تعرف انك فى فرح مصري

ازاي تعرف انك فى فرح مصري

عشان تعرف انك فى فرح مصرى لازم تلاقى الحجات دى

بص بقا يا سيدى او يا ستى موش حتفرق كلنا اخوات
ههههههههههههه

من البدايه كدا هتلاقى الدعوه بتاعت الفرح جايالك وعليها عباره ..
[جنه الاطفال منازلهم]
**************

يعنى من الاخر ابنك دا يقعد فى البيت ومايورناش وشه احنا مش عارفين نأكل المعازيم لما هانأكل سعادته
**************

لما تلاقى الزفه الدمياطى الازليه اياها
وبسم الله الرحمن الرحيم وهنبدا الليله اااااه اااه
************

وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها[اقصد ديل الفستان]
*******
لما تلاقى العريس بيبخر العروس
عشان الحسد احسن تتكسر ولا حاجه
وتلاقى العروسه بتبخر العريس
احسن دا واخد عليها كمبيالات وشيكات
عشان قطع الغيار الغير متوفره وممكن يواديها فى داهيه
************
لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
ولا حسب ولا نسب هههههههههههه
************
والتانيه تقولها :
والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات
****************
وتلاقى البنات بقا واقفه اللى تقول:
ايه دا فستانها بيئه اوى ياى وموش مظبوط عليها
*****************
والتانيه تقولها:
اكيد مأجراه من عند الكوافير اللى عملها التسريح اللى شبه تسريحه المجانين دى
****************

لما اول حجه تسمعها اول ما تدخل القاعه وقبل ما تشوف العروسه والعريس
[ اغنيه هشام عباس (اسماء الله الحسنى) ]
***********
لما تلاقى بتاع الكاميرا بيزوم على الشبكه كانها مثلا قلاده الملكه اليزابيث الخامسه والعشرين
وتلاقى كل المعازيم هايماوتوا بعض وينطوا فوق بعض عشان يتفرجوا عليها
************

لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)

*********************

لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (هو اسمه ايه)

*********************
وتلاقى صحاب العريس خدووو وهاتك يا رقص ويقوموو شيلينووو وحدفينوو فى الجووو
ال يعنى ابو الفصاد
*****************************

لما تلاقى ام العريس كل نص ساعه وتمسح عرق ابنها وتقوله(يا بنى كفايه مش كده ...ماتهدش نفسك)
*****************************

لما تسمع السؤال الابدى
(هو البوفيه هايفتح امتى...الواحد جاع)

لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك
ولازم يحبسو بالببسى الصاروخ موش العادى

وتلاقى شباب بعد ما خدو البيبسى الصاروخ يشربوها بسرعة ويخدو وحدة كمان طفاسة بقاا

لما تسمع الناس وهيه بتقول
لالالا بس الاكل مكانش قد كده طبعا الكلام دا بعد ما يكلووو ويشبعو
,,

لما تلاقى ام العروسه بتقول للعريس
خد بالك منها
والعريس يقولها
دى فى عينى يا طنط

لما تلاقى الزفه انطلقت فى الشوارع مسببه الازعاج لخلق الله
**********************
وطبعا العربية متزوقة ومية مية وتلاقى من ورااا محطوط على الزجاج اول حرف من اسمو اول حرف من اسمهااا
*****************
وتلاقى العربيات لازم تروح فى حتة وسعة طبعا عشان الخمسات والهندات والتوجيب بالمعنى البلدى ويحرق فى الكاوتش
***************

وطبعا فى اادام الزفة حتلاقى شوية موتوسكلات صينى من الى طلعة جيد دى وشباب ركبهاا وعمالين يرفعووو شوية حصنة
وبيب بيب بيب بيب بيب بيب بيب بيب بيب بيب

تيت تيت تيت تيت تيت تيت تيت تيت تيت تيت تيت

الموضوع منقووووووووول لطرافته
__________________
ازاي تعرف انك فى فرح مصري Yahoo

» شوفو الويندوز لو كان مصري
» مانبيثون أول مؤرخ مصري كتب باليونانية
» كيف تعرف انك في عام 2009
» أخيرا.. لقاح مصري لتطعيم الطيور ضد الإنفلونزا
» شيخ" مصري يحمل رسالة لمبارك من النبي محمد