دخلت الصيدلية و بيدها وصفة (بنزوات البنزيل) .. و بعد صرف الدواء قالت للصيدلي : عطيني كمان علبة ديتول .
الصيدلي : يا ترى مشان شو بدك ياها ؟؟ قالت : متل ما مبين معك بالوصفة ابني منصاب بالجرب و بدي طهر الأرض و الحمامات مشان العدوى .
الصيدلي : بس الديتول ما بيمنع العدوى بالجرب لأنو بالأساس الجرب مو سببه مكروب و انما حشرة صغيرة.. قالت : يوه .. يعني الحشرة موجودة بجلد ابني؟!! .
الصيدلي : تماماً .. و ممكن تبيض و تنتقل البيوض لحدا تاني و ينصاب .. أو تنتقل عبر اللباس أو الشراشف .. قالت : طيب معناها شو الحل مشان ما ينعدا الباقي؟
الصيدلي : المفروض تغلي كل ألبسة المصاب لمدة نص ساعة .. و اللي ما بينغلى لازم ترشيه بمبيد حشري متل (بف باف).
ملاحظة أخيرة : هي الحشرة ما بتعيش بلا جلد الانسان أكتر من 3 أيام ..
الرئيسية 
التسجيل 
دخول 
