ريمكتان

معلومة النهاردة لذيذة ومهمة

دخلتلي بنت الصيدليه ..بتقولي يا دكتورة حاجة غريبة حصلتلي !!!
انا : خير؟؟
البنت: فجأة لاقيت اللينسز بتاعتي او العدسات اللازقة اتبقعت بلون احمر وهي في عيني ..شيلتها بسرعة ومهما احاول اغسلها اللون الاحمر مش بيروح ولاقيت عيني بتنزل افرازات لونها احمر .. انا مخضوضة يكون في مشكلة في عيني
انا اول حاجة جت في بالي اسألها عليها ..هل بتعاني من اي امراض وبتاخد اي ادوية ؟؟
قالتلي لا انا مش تعبانه ..بس اخويا الدكتور شخصه انه عنده التهاب سحائي ..انتي عارفة حضرتك انه منتشر الفترة دي ..والدكتور طلب مننا ان اي محيط بيه ياخد دوا علشان يحميه من العدوى
قولتلها تمام اسم الدوا بقى
قالتلي اسمه Rimactane tab
قولتها طيب اطمني ..سبب اللي حصلك دة هو الدوا دة ..متقلقيش بس كدة انتي مش هتقدري تلبسي اللينسيز دي تاني ..
ولاقيتها اتضايقت لانها لسة عاملاها جديدة ..قولتلها معلش كان المفروض الطبيب يعرفك متلبسيش اللينسيز لحد ما تخلصي كورس العلاج
طيب اية اللي حصل بقى ؟؟
ال Rimactane tab دة بيحتوي على المادة الفعاله Rifampicin
واللي له اثر جانبي كدة لازم لازم نعرفه للمريض
انه بيغير لون اي سائل ممكن يخرج من الجسم للون الاحمر
يعني
produce a reddish coloration of the urine, sweat, sputum, and tears, and the patient should be forewarned of this.
Soft contact lenses may be permanently stained
يعني اللي حصل للبنت ان الدموع اللي في عينيها اتصبغت باللون الاحمر ..واللي بدورها للاسف صبغت لون اللينسز بنفس اللون واللي بتبقى صبغه دائمه وبتخليها لا تصلح للاستخدام
يبقى ضروري لما المريض ياخد اي دوا بيحتوي على rifampicin
انك تعرفه انه ممكن يغير لون البول او العرق او البلغم او الدموع ..اللي هو اي سائل بيخرج من الجسم للون الاحمر ..علشان المريض ميتخضش ويقلق
الجدير بالذكر ان ال rifampcin بيتاخد كوقايه من ال meningitis
بجرعة
600 مجم كل 12 ساعة لمدة يومين
مبتتاخدش من نفسك ولكن بمعرفة الطبيب
يا رب تكون المعلومة افادتكم لا تنسوني من صالح دعائكم
واوعى تنسى تعرف المريض الاثر الجانبي دة

للدكتور /
‫#‏منة_حمدي‬